കോഴിക്കോട്: ചക്കിട്ടപാറ പഞ്ചായത്തിൽ ചെമ്പനോടയിൽ കാട്ടുപന്നി ആക്രമണത്തിൽ കർഷക തൊഴിലാളിക്ക് ഗുരുതര പരുക്ക്.പഞ്ചായത്തിലെ മൂന്നാം വാർഡിൽ ചെമ്പനോട ആലമ്പാറ റോഡിൽ വീട്ടുമുറ്റത്തിനു സമീപത്ത് കാട്ടുപന്നിയുടെ കുത്തേറ്റ് ഗുരുതരമായി പരുക്കേറ്റ കർഷക തൊഴിലാളി കിളച്ചപറമ്പിൽ നാണുവിനെ (60) മെഡിക്കൽ കോളജിൽ പ്രവേശിപ്പിച്ചു. കുന്നക്കാട്ട് ആൽബിന്റെ വീടിനു സമീപത്തു നിന്നാണ് കാട്ടുപന്നിയുടെ കുത്തേറ്റ് നാണുവിന്റെ മുഖത്തിന് ഗുരുതരമായി പരുക്കേറ്റത്.കാട്ടിൽ നിന്നും ചെന്നായ് ആക്രമിച്ച് പരുക്കേറ്റ പന്നി കൃഷിയിടത്തിലെ കുഴിയിൽ കിടക്കുകയായിരുന്നു. തൊഴിലാളിയെ കണ്ടയുടനെ ആക്രമിച്ച പന്നി പിന്നീട് കൃഷിയിടത്തിൽ ചത്തുവീണു.
