നാടെങ്ങും ഓണത്തിന്റെ തിമിർപ്പിൽ ആറാടുകയാണ്. ഒട്ടും ആവേശം കുറക്കാതെ തന്നെയാണ് താരങ്ങളും ഓണത്തെ വരവേൽക്കുന്നത്. ഒട്ടുമിക്ക സീരിയൽ താരങ്ങളും ഷൂട്ടിംഗ് സെറ്റിൽ തന്നെയാണ് ഓണം ആഘോഷിക്കുന്നത്. സദ്യയും ഓണക്കോടി ഉടുത്തുള്ള ചിത്രങ്ങളും എല്ലാം താരങ്ങൾ തങ്ങളുടെ സാമൂഹിക മാധ്യമങ്ങളിൽ പങ്കുവെക്കാറുമുണ്ട്. അത്തരത്തിൽ സെറ്റ് സാരിയിൽ മലയാളി മങ്കയായ ചിത്രമാണ് പ്രേക്ഷകരുടെ പ്രിയ താരം ചിപ്പി രഞ്ജിത്ത് തന്റെ ഇൻസ്റ്റാഗ്രാം പേജിൽ പങ്കുവെച്ചിരിക്കുന്നത്.
ചുവപ്പ് ബോർഡറും മുത്ത് കൊണ്ട് അലങ്കരിച്ചതുമായ കസവു സാരിക്കൊപ്പം ബോർഡറിന് ചേർന്ന ചുവപ്പ് ബ്ലൗസ്സുമാണ് ചിപ്പിയുടെ വേഷം. തനി നാടൻ രീതിയിലാണ് ഒരുക്കവും. എല്ലാവർക്കും ഓണാശംസകൾ എന്നാണ് പോസ്റ്റിനു നൽകിയിരിക്കുന്ന അടിക്കുറിപ്പ്.
