ന്യൂഡൽഹി∙ അരുണാചൽ പ്രദേശിലെ തവാങ്ങിൽ കരസേന ഹെലികോപ്റ്റർ തകർന്നുവീണ് പൈലറ്റ് മരിച്ചു. ലഫ്റ്റനന്റ് കേണൽ സൗരഭ് യാദവ് ആണ് മരിച്ചത്. ഗുരുതരമായി പരുക്കറ്റ സഹപൈലറ്റിനെ ആശുപത്രിയിൽ പ്രവേശിപ്പിച്ചു. കരസേനയുടെ ‘ചീറ്റ’ ഹെലികോപ്റ്ററാണ് പതിവ് പരീക്ഷണ പറക്കലിനിടെ തകർന്നുവീണത്. അപകടകാരണം വ്യക്തമല്ലെന്നും അന്വേഷണം ആരംഭിച്ചതായും സൈന്യം പ്രസ്താവനയിൽ അറിയിച്ചു.
