ദില്ലി : സി പി ഐ ഇരുപത്തി നാലാമത് പാർട്ടി കോൺഗ്രസ് ഇന്ന് വിജയവാഡയിൽ സമാപിക്കും. പുതിയ ജനറൽ സെക്രട്ടറിയെ തെരഞ്ഞെടുക്കുന്നതിന് മുന്നോടിയായി നാഷണൽ കൗൺസിൽ , എക്സിക്യൂട്ടിവ് തെരഞ്ഞെടുപ്പുകളും നടക്കും. ഡി. രാജ, സി പി ഐ ജനറൽ സെക്രട്ടറിയായി തുടരാനാണ് സാധ്യത. നേതൃസ്ഥാനത്ത് മാറ്റം വേണമെന്ന് പൊതു തീരുമാനത്തിലേക്ക് എത്തിയാൽ മാത്രം അതുൽ കുമാർ അൻജാൻ, അമർജിത്ത് കൗർ എന്നിവരെ പരിഗണിച്ചേക്കും .
ദേശീയ സംസ്ഥാന ഭാരവാഹികൾക്ക് 75 വയസ് പ്രായപരിധി എന്ന ഭേദഗതി ഇന്നലെ പാർട്ടി കോൺഗ്രസ് അംഗീകരിച്ചതോടെ കേരളത്തിൽ നിന്നുള്ള കെ ഇ ഇസ്മായിൽ അടക്കമുള്ള നേതാക്കൾക്ക് പുതിയ നാഷണൽ കൗൺസിലിൽ അവസരം ലഭിക്കില്ല.
