രാജ്യത്തെ മുൻനിര ഇ–കൊമേഴ്സ് കമ്പനിയായ ഫ്ലിപ്കാർട്ടിൽ സ്മാർട് ടിവികൾക്ക് വൻ ഓഫർ. പുതുവൽസരത്തിൽ ഫ്ലിപ്കാർട്ടിനൊപ്പം ആമസോണും പ്രത്യേകം ഓഫർ വിൽപന നടത്തുന്നുണ്ട്. സ്മാർട് ടിവികൾക്കും ഫോണുകൾക്കും തന്നെയാണ് വൻ ഓഫറുകളും മറ്റു ഇളവുകളും നൽകുന്നത്. അവതരിപ്പിക്കുമ്പോൾ 105,990 രൂപ വിലയുണ്ടായിരുന്ന ഫിലിപ്സിന്റെ 50 ഇഞ്ച് അൾട്രാ എച്ച്ഡി (4കെ) എൽഇഡി സ്മാർട് ടിവി ഫ്ലിപ്കാർട്ടിൽ 62 ശതമാനം ഡിസ്കൗണ്ടിൽ 39,999 രൂപയ്ക്കാണ് വിൽക്കുന്നത്. ഫ്ലിപ്കാർട്ട് ടിവി ഡേ സെയിൽ വൺപ്ലസ്, സാംസങ്, എംഐ, തോംസൺ, സോണി തുടങ്ങി മുൻനിര ബ്രാൻഡുകളിൽ നിന്നുള്ള ടിവികളും വൻ ഓഫറുകൾ നൽകി വിൽക്കുന്നുണ്ട്. ജനുവരി 1 മുതൽ തുടങ്ങിയ വിൽപന ജനുവരി 5 വരെ നീണ്ടുനിൽക്കും. മിക്ക വീടുകളിലും ഓഫിസുകളിലും സ്മാർട് ടിവി ഒഴിവാക്കാനാവാത്ത ഒരു ഉപകരണമായി മാറിയിട്ടുണ്ട്. ടെലിവിഷൻ ഇപ്പോൾ വെറുമൊരു ആഡംബര വസ്തുവല്ല, മറിച്ച് എല്ലാ വീട്ടിലും അത് ആവശ്യമാണെന്ന് ചുരുക്കം.
അറുപതോളം ബ്രാൻഡുകളുടെ സ്മാർട് ടിവികളാണ് ഫ്ലിപ്കാർട്ടിൽ ലിസ്റ്റ് ചെയ്തിരിക്കുന്നത്. 70 ശതമാനം വരെയാണ് ഡിസ്കൗണ്ട് നൽകുന്നത്. ഇതോടൊപ്പം തന്നെ മറ്റു ചില ഓഫറുകളും നൽകുന്നു. നോകോസ്റ്റ് ഇഎംഐ, എക്സ്ചേഞ്ച് ഓഫർ, ബൈബാക്ക് ഗാരന്റി, കംപ്ലീറ്റ് പ്രൊട്ടക്ഷൻ, ബ്രാൻഡ് വാറനന്റി എന്നിവ എല്ലാം ലഭിക്കും. വിവിധ ബാങ്കുകളുടെ ക്രെഡിറ്റ്, ഡെബിറ്റ് കാർഡുകളിൽ 5 മുതൽ 10 ശതമാനം ഇളവും ലഭിക്കും. ചില ഉല്‍പന്നങ്ങൾ വാങ്ങുമ്പോൾ 11,000 രൂപ വരെ എക്സ്ചേഞ്ച് ഓഫറും നൽകുന്നുണ്ട്. മുൻനിര ബ്രാൻഡുകളുടെ സ്മാർട് ടിവികളെല്ലാം ലിസ്റ്റ് ചെയ്തിട്ടുണ്ട്. അവതരിപ്പിക്കുമ്പോൾ 36,990 രൂപ വിലയുണ്ടായിരുന്ന കൂക്കയുടെ 32 ഇഞ്ച് എച്ച്ഡി റെഡി എൽഇഡി സ്മാർട് ടിവി വില്‍ക്കുന്നത് 10,499 രൂപയ്ക്കാണ്. ഇതോടൊപ്പം തന്നെ ഫ്ലിപ്കാർട് ആക്സിസ് ബാങ്ക് ക്രഡിറ്റ് കാർഡ് ഉപയോഗിച്ചാൽ 5 ശതമാനം അധികം ഇളവ് ലഭിക്കും. 9000 രൂപ വരെ എക്സ്ചേഞ്ച് ഓഫറും ലഭ്യമാണ്.
