തിരുവനനന്തപുരം : സി.വി വര്‍ഗീസ് ഇടുക്കി ജില്ലാ സെക്രട്ടറിയാകും. സിപിഐഎം ഇടുക്കി ജില്ലാ സമ്മേളനത്തിലാണ് തീരുമാനം. നിലവില്‍ സിപിഐഎം ജില്ലാ സെക്രട്ടേറിയേറ്റ് അംഗമാണ് സി.വി വര്‍ഗീസ്. പതിനെട്ടാം വയസില്‍ പാര്‍ട്ടി പ്രവര്‍ത്തനം ആരംഭിച്ച സി.വി വര്‍ഗീസ് 1979 ല്‍ പാര്‍ട്ടി ഇംഗത്വം ലഭിച്ച വര്‍ഗീസ് സീജവ പ്രവര്‍ത്തകനായിരുന്നു. 2001 മുതല്‍ ജില്ലാ കമ്മിറ്റി അംഗമാവുകയും, അതിന് ശേഷം ജില്ലാ സെക്രട്ടേറിയേറ്റ് അംഗമാവുകയുമായിരുന്നു. ആരോഗ്യ പ്രശ്നങ്ങളെതുടര്‍ന്ന് കെകെ ജയചന്ദ്രന്‍ മാറി നില്‍ക്കാന്‍ സന്നദ്ധത അറിയിച്ചതിന് പിന്നാലെയാണ് സി.വി വര്‍ഗീസിനെ തെരഞ്ഞെടുത്തത്. സിവി വര്‍ഗീസ്, ജില്ലാ പഞ്ചായത്ത് അംഗം വിഎന്‍ മോഹനല്‍ എന്നിവരിലാരെങ്കിലും സെക്രട്ടറി സ്ഥാനത്തേക്ക് വരുമെന്ന് നേരത്തെ റിപ്പോര്‍ട്ടുണ്ടായിരുന്നു.
ജില്ലാ സെക്രട്ടേറിയേറ്റില്‍ 10 പുതുമുഖങ്ങളാണ് ഉള്ളത്. ഏഴ് പേരെയാണ് ഒഴിവാക്കിയത്. ടി.എം ജോണ്‍, രമേശ് കൃഷ്ണന്‍, എംഎന്‍ ഹരിക്കുട്ടന്‍, സുമ സുരേന്ദ്രന്‍, സുശീല ആനന്ദ്, സിഹി സതീഷ് തുടങ്ങിയവരാണ് ജില്ലാ സെക്രട്ടേറിയേറ്റില്‍ അംഗങ്ങളായത്.
