ഓയൂർ: സുഹൃത്തിനെ കമ്പിപ്പാരകൊണ്ട് തല അടിച്ച് പൊട്ടിച്ച കേസിലെ പ്രതി അറസ്റ്റിൽ. ഓയൂർ പ്ലാവിള വീട്ടിൽ നവാസിനെയാണ് (53) പൂയപ്പള്ളി പോലീസ് അറസ്റ്റ് ചെയ്തത്. മരപ്പണിക്കാരനായ ഓയൂർ പാറവിള വീട്ടിൽ വിജയനാണ് (63) മർദനമേറ്റത്. നവാസിന് ജോലി ചെയ്ത വകയിൽ കിട്ടാനുള്ള ആയിരം രൂപ ചോദിച്ചതിനെതുടർന്നുള്ള വാക്കുതർക്കമാണ് അടിപിടിയിൽ കലാശിച്ചത്. നവാസിന്‍റെ കൈയിലുണ്ടായിരുന്ന കമ്പിപ്പാര കൊണ്ട് വിജയന്‍റെ തലക്ക് അടിക്കുകയും താഴെ വീണ ഇയാളെ കാലിൽ നിരവധി തവണ അടിച്ച് പരിക്കേൽപിച്ചു. സാരമായി പരിക്കേറ്റ വിജയനെ പോലീസെത്തിയാണ് ആശുപത്രിയിൽ എത്തിച്ചത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
