ചിറ്റിലഞ്ചേരി: ബൈക്കിടിച്ചു കാൽ നടയാത്രക്കാരൻ മരിച്ചു. തിരുപ്പൂർ ഗാന്ധിനഗർ സ്ട്രീറ്റ് കൃഷ്ണ നഗറിൽ എം. രവി (57) ആണു മരിച്ചത്. തിരുപ്പൂരിലേക്ക് പോകാനായി ബസ് കയറുന്നതിനു കടമ്പിടിയിലേക്കു പോകുന്നതിനിടെ കഴിഞ്ഞ ദിവസം രാവിലെയാണു ബൈക്കിടിച്ചത്. കടമ്പിടിക്ക് സമീപമുള്ള വളവിൽ വച്ച് അപകടമുണ്ടായ ഉടൻ നെന്മാറയിലെ സ്വകാര്യ ആശുപത്രിയിലെത്തിച്ചെങ്കിലും രാത്രിയോടെ മരിച്ചു. ഭാര്യ: സുശീല. മക്കൾ: നിഖിൽ, നിധിൻ.
