കോട്ടയം : സിനിമ–സീരിയൽ താരം കോട്ടയം പ്രദീപ് (61) അന്തരിച്ചു. കോട്ടയം കുമാരനല്ലൂർ സ്വദേശിയാണ്. ഇന്നു പുലർച്ചെ മൂന്നോടെ ശാരീരിക അസ്വസ്ഥതകളെ തുടർന്ന് സ്വകാര്യ ആശുപത്രിയിൽ പ്രവേശിപ്പിച്ചെങ്കിലും നാലോടെ മരണം സംഭവിക്കുകയായിരുന്നു. മൃതദേഹം ഇപ്പോൾ ആശുപത്രിയിൽ. ഒരു മണിക്കൂറിനകം വീട്ടിലേക്ക് എത്തിക്കാനുള്ള ശ്രമങ്ങൾ നടക്കുന്നു. എൽഐസി ജീവനക്കാരനായ പ്രദീപ് സംവിധായകൻ ഐ.വി.ശശിയുടെ ഈ നാട് ഇന്നലെ വരെ യിലൂടെടെയാണ് സിനിമയിലെത്തുന്നത്. ഭാര്യ മായ. മക്കൾ: വിഷ്ണു, വൃന്ദ
