തിരുവനന്തപുരം > പത്തനംതിട്ടയിലെ കോൺഗ്രസ് സ്ഥാനാർത്ഥി ആന്റോ ആന്റണിക്കായി പ്രചരണത്തിനിറങ്ങില്ലെന്ന്‌ എകെ ആന്റണി. കോവിഡിന്‌ ശേഷമുണ്ടായ ആരോഗ്യ പ്രശ്‌നങ്ങൾ കാരണം യാത്ര ചെയ്യാൻ ബുദ്ധിമുട്ട്‌ ഉള്ളതു കൊണ്ടാണ്‌ പത്തനംതിട്ടയിലേക്ക്‌ പോകാത്തതെന്ന്‌ എകെ ആന്റണി വാർത്താസമ്മേളനത്തിൽ പറഞ്ഞു. എകെ ആന്റണിയുടെ മകൻ അനിൽ ആന്റണിയാണ്‌ പത്തനംതിട്ടയിലെ ബിജെപി സ്ഥാനാർത്ഥി. കുടുംബവും രാഷ്ട്രീയവും വെവ്വേറെയാണെന്നും അദ്ദേഹം പറഞ്ഞു.
കേരള സ്റ്റോറി ബിജെപിയുടെ കെണി
കേരള സ്റ്റോറി ബിജെപിയുടെ കെണിയാണെന്നും ആ കെണിയിൽ വീഴരുതെന്നും എകെ ആന്റണി പറഞ്ഞു. കേരള സ്റ്റോറി പ്രദർശിപ്പിച്ചത്‌ നിർഭാഗ്യകരമാണെന്നും അദ്ദേഹം കൂട്ടിച്ചേർത്തു.
