തിരുവനന്തപുരം: സംസ്ഥാനസര്ക്കാര് സ്ഥാപനമായ നോർക്ക റൂട്ട്സിന്റെ നേതൃത്വത്തിലുളള നോർക്ക ഇൻസ്റ്റിറ്റ്യൂട്ട് ഓഫ് ഫോറിൻ ലാംഗ്വേജിന്റെ (എൻ.ഐ.എഫ്.എൽ) കോഴിക്കോട് സെന്റര് ഫെബ്രുവരിയില് പ്രവര്ത്തനസജ്ജമാകും. ഇംഗീഷ് ഭാഷയില് ഒ.ഇ.ടി-ഒക്കുപേഷണൽ ഇംഗ്ലീഷ് ടെസ്റ്റ്, ഐ.ഇ.എൽ.ടി.എസ്- ഇന്റർ നാഷണൽ ഇംഗ്ലീഷ് ഭാഷാ ടെസ്റ്റിങ് സിസ്റ്റം,
ജര്മ്മന് ഭാഷയില് സി.ഇ.എഫ്.ആർ (കോമൺ യൂറോപ്യൻ ഫ്രെംവർക്ക് ഓഫ് റെഫറൻസ് ഫോർ ലാൻഗ്വേജ് ) എ 1, എ2, ബി1, ലെവല് വരെയുളള കോഴ്സുകളാണ് ആദ്യഘട്ടത്തിൽ. യോഗ്യരായ അധ്യാപകർ, മികച്ച അധ്യാപക വിദ്യാർത്ഥി അനുപാതം, സൗണ്ട് പ്രൂഫ് ലാംഗ്വേജ് ലാബ്, അന്താരാഷ്ട്ര നിലവാരത്തിൽ സജ്ജീകരിച്ച ക്ലാസ് മുറികൾ എന്നിവ സ്ഥാപനത്തിന്റെ പ്രത്യേകതയാണ്.
കോഴിക്കോട് സെന്ററില് പുതിയ ഒ.ഇ.ടി, ഐ.ഇ.എൽ.ടി.എസ്, ജര്മ്മന് (ഓഫ് ലൈൻ) കോഴ്സുകളിലേക്കും അപേക്ഷ ക്ഷണിച്ചു. താല്പര്യമുള്ള ഉദ്യോഗാർഥികൾക്ക് നോര്ക്ക -റൂട്ട്സിന്റെയോ,എന്.ഐ.എഫ്.എല്ലിന്റെയോ വെബ്റ്റുകളായ www.norkaroots.org, www.nifl.norkaroots.org സന്ദർശിച്ച് അപേക്ഷ നല്കാം. കോഴ്സ് വിജയകരമായി പൂർത്തിയാകുന്ന നഴ്സിങ് പ്രഫഷണലുകൾക്ക് നോര്ക്ക റൂട്ട്സ് വഴി വിദേശത്ത് ജോലി കണ്ടെത്തുന്നതിനും അവസരമുണ്ടാകും.
ഓഫ്ലൈൻ കോഴ്സുകളില് ബി.പി.എൽ, എസ്.സി, എസ്.ടി വിഭാഗങ്ങളിൽ ഉൾപ്പെടുന്നവര്ക്ക് പഠനം പൂർണമായും സൗജന്യമായിരിക്കും. എ.പി.എൽ ജനറല് വിഭാഗങ്ങളില് ഉൾപ്പെട്ടവർക്ക് 75 ശതമാനം സര്ക്കാര് സബ്സിഡിക്ക് ശേഷമുളള 4425 രൂപയാണ് ഫീസ്. കൂടുതൽ വിവരങ്ങൾക്ക് +91-8714259444 എന്ന മൊബൈല് നമ്പറിലോ നോര്ക്ക ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സർവീസ്) ബന്ധപ്പെടാം.
