തൃശൂര്‍: അരിക്കൊമ്പനെതിരെ അതിരപ്പള്ളി മേഖലയില്‍ നാളെയും പ്രതിഷേധം. രാവിലെ 11 മുതല്‍ വെറ്റിലപ്പാറ മേഖലയില്‍ റോഡ് ഉപരോധിക്കും. പെരിമ്പാറ, കൊഗളപ്പാറ, വാഴച്ചാല്‍ ആദിവാസി ഗോത്രങ്ങള്‍ ഉപരോധത്തില്‍ പങ്കെടുക്കും. വാഴാനി, പലപ്പിള്ളി, മറ്റത്തൂര്‍, പരിയാരം, കോടശ്ശേരി, അതിരപ്പിള്ളി തുടങ്ങി ആറു പഞ്ചായത്തുകളിലുള്ളവര്‍ പ്രതിഷേധത്തിനെത്തും. നാളെ 11 മണി മുതല്‍ 3 മണി വരേയാണ് ഉപരോധം. അരിക്കൊമ്പനെ പറമ്പിക്കുളത്തേക്ക് കൊണ്ട് വരരുതെന്നാണ് പ്രതിഷേധക്കാര്‍ ഉയര്‍ത്തുന്ന ആവശ്യം. അതേസമയം, അരികൊമ്പനെ പറമ്പികുളത്തേക്ക് മാറ്റാനുള്ള ഹൈക്കോടതി ഉത്തരവിനെതിരെ സംസ്ഥാന സര്‍ക്കാര്‍ സുപ്രീംകോടതിയില്‍ അപ്പീല്‍ നല്‍കി.
