മൂലമറ്റം > രണ്ടര ലിറ്റര്‍ ചാരായവുമായി ബിജെപി പ്രവര്‍ത്തകരായ രണ്ടുപേരെ എക്സൈസ് അറസ്റ്റ് ചെയ്‌തു. പുത്തൻവീട്ടിൽ പി കെ ജയകുമാർ, പൂവത്തുംമൂട്ടിൽ പി ആർ സുഭാഷ് എന്നിവരെയാണ് ഇവരുടെ വീടുകളില്‍നിന്നും മൂലമറ്റം എക്സൈസ് റേഞ്ച് ഇന്‍സ്‍പെക്‌ടര്‍ കെ യു അഭിലാഷിന്റെ നേതൃത്വത്തില്‍ പിടികൂടിയത്.
രഹസ്യ വിവരത്തിന്റെ അടിസ്ഥാനത്തിലായിരുന്നു മൂലമറ്റം, ആശ്രമം ഭാഗങ്ങളില്‍ പരിശോധന നടത്തിയത്. പ്രിവന്റീവ് ഓഫീസർമാരായ പി ആര്‍ സുനിൽകുമാർ, വി എസ് നിസാർ, ഗ്രേഡ് പ്രിവന്റിവ് ഓഫീസർ എസ് രഞ്ജിത്ത്, സിവിൽ എക്സൈസ് ഓഫീസർമാരായ വി ആര്‍ രാജേഷ്, അഷറഫ് അലി, ചാൾസ് എഡ്വിൻ, വനിതാ സിവിൽ എക്സൈസ് ഓഫീസർ സുമീന, ഡ്രൈവർ സിനിൽകുമാർ എന്നിവരടങ്ങിയ സംഘമാണ് തെരച്ചിലിന് ഒപ്പമുണ്ടായിരുന്നത്.
