കോഴിക്കോട്> മീഞ്ചന്തയിൽ റോഡിൽ സ്കൂട്ടറിൽ അഭ്യാസപ്രകടനം നടത്തിയ യുവാവിനെതിരെ പൊലീസ് കേസെടുത്തു. കല്ലായി സ്വദേശി ഫർഹാനെതിരെയാണ് പന്നിയങ്കര പോലീസ് കേസെടുത്തത്. കഴിഞ്ഞ ദിവസമായിരുന്നു കേസിനാസ്പദമായ സംഭവം.
കോഴിക്കോട് മീഞ്ചന്ത ബൈപാസിൽ ബസിന് മുന്നിൽ അപകടകരമായ രീതിയിൽ ഇയാൾ സ്കൂട്ടറോടിക്കുന്ന വീഡിയോ വ്യാപകമായി പ്രചരിച്ചിരുന്നു. യുവാവ് മദ്യ ലഹരിയിലായിരുന്നുവെന്ന് പൊലീസ് പറയുന്നു. യുവവിന്റെ ലൈസൻസ് സസ്പെൻഡ് ചെയ്യാനുള്ള നടപടി ആരംഭിച്ചുവെന്ന് ആർടിഒ അറിയിച്ചു.
