മൂവാറ്റുപുഴ: കഥകളി സംഗീതജ്ഞൻ മൂവാറ്റുപുഴ പായിപ്ര വടക്കുംചേരി അകത്തൂട്ട് രാജ്വിഹാറിൽ ചേർത്തല തങ്കപ്പപ്പണിക്കർ (96) അന്തരിച്ചു. ചേർത്തല വാരനാട് വാത്യാട്ട് കുടുംബാംഗമാണ്. ഗാന്ധി സേവാസദനം അക്കാദമിയിലും തൃപ്പൂണിത്തുറ ആർഎൽവി കോളേജിലും സംഗീതാധ്യാപകനായിരുന്നു. പത്തുവർഷം സർക്കാർ വിദ്യാലയത്തിൽ കഥകളി അധ്യാപകനുമായിരുന്നു. 47 വർഷം ആകാശവാണിയിൽ കഥകളിസംഗീതം ആലപിച്ചിട്ടുണ്ട്. നിരവധി പുരസ്കാരങ്ങൾ ലഭിച്ചിട്ടുണ്ട്. സംസ്കാരം വ്യാഴം വൈകിട്ട് പായിപ്രയിലെ വീട്ടുവളപ്പിൽ. ഭാര്യ: വിലാസിനിക്കുഞ്ഞമ്മ. മക്കൾ: രാജ്ഗോപാൽ, രാജേശ്വരി. മരുമകൻ: പി കൃഷ്ണകുമാർ.
