എലപ്പുള്ളി: എലപ്പുള്ളി ചുട്ടിപ്പാറയിൽ മൂന്നു വയസ്സുകാരനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. എലപ്പുള്ളി മണിയേരി വേങ്ങോടി ഷമീർ മുഹമ്മദിന്റെ മകൻ മുഹമ്മദ് ഷാൻ(3) ആണ് മരിച്ചത്.ബന്ധുക്കളുടെ പരാതിയെത്തുടർന്ന് നടത്തിയ പോസ്റ്റ് മോർട്ടത്തിൽ കുട്ടി ശ്വാസം മുട്ടിയാണ് മരിച്ചതെന്നും കൊലപാതകമെന്ന് സംശയിക്കുന്നതായും പൊലീസ് പറഞ്ഞു.
സംഭവത്തിൽ കുട്ടിയുടെ അമ്മയെ കസബ പൊലീസ് കസ്റ്റഡിയിലെടുത്തു. ചൊവ്വ പകൽ ഒമ്പതരയോടെയാണ് കുട്ടിയെ അമ്മ വീടായ ചുട്ടിപ്പാറയിലെ കിടപ്പ് മുറിയിൽ മരിച്ച നിലയിൽ കണ്ടെത്തിയത്. ബന്ധുക്കളും നാട്ടുകാരും ചേർന്ന് ജില്ലാ ആശുപത്രിയിലെത്തിച്ചു. കസബ പൊലീസിൽ ബന്ധുക്കൾ നൽകിയ പരാതിയെത്തുടർന്ന് നടത്തിയ പോസ്റ്റ് മോർട്ടത്തിൽ കൊലപാതകം സ്ഥിരീകരിച്ചു. കുട്ടിയുടെ അമ്മ ആസിയയും ഷമീറും ഒരു വർഷമായി അകന്നാണ് കഴിയുന്നത്.
