ചിറ്റാർ: ഓട്ടോറിക്ഷ അപകടത്തിൽപ്പെട്ട് രണ്ടരവയസ്സുകാരി മരണപ്പെട്ടു. കാശ്‌മീരിൽ സൈനികനായ കുളനട കൈപ്പുഴ വെളിച്ചപ്പാട് വീട്ടിൽ ടി എസ് സജിത് കുമാറിന്റെ മകൾ ദക്ഷ സജിത്ത് (2) ആണ് മരിച്ചത്. അമ്മയോടും വല്ല്യമ്മയോടുമൊപ്പം കാവനാൽ ക്ഷേത്രത്തിൽ പോയി മടങ്ങും വഴിയാണ് അപകടം.
റോഡ് അരികിലെ വലിയ കല്ലിൽത്തട്ടി ഓട്ടോറിക്ഷ നിയന്ത്രണം വിട്ട് മറിയുകയായിരുന്നു. കുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കുട്ടിയുടെ അമ്മ സൂര്യയും വല്ല്യമ്മയും ഓട്ടോറിക്ഷ ഡ്രൈവറും പരിക്കേറ്റ് ചികിത്സയിലാണ്. സംസ്കാരം ശനിയാഴ്ച്ച പത്തിന് കുളനടയിലെ പിതൃഗൃഹത്തിൽ.
