മലപ്പുറം: മലപ്പുറം മണ്ഡലത്തിലെ എൽ.ഡി.എഫ് സ്ഥാനാർഥി വി. വസീഫിനെ യൂത്ത് ലീഗ് പ്രവർത്തകർ മർദിച്ചതായി പരാതി. നെല്ലിക്കുത്തിൽവച്ച് വസീഫ് സഞ്ചരിച്ച വാഹനം യൂത്ത് ലീഗുകാർ തടഞ്ഞ് അദ്ദേഹത്തെ വലിച്ച് പുറത്തിറക്കി മർദിച്ചെന്നാണ് ആരോപണം. എൽ.ഡി.എഫ് പ്രവർത്തകരും സ്ഥാനാർഥിയും പോളിങ് ബൂത്തിൽ കുത്തിയിരുന്ന് പ്രതിഷേധിച്ചു.
സംസ്ഥാനത്ത് പോളിങ് സമയം അവസാനിച്ചിട്ടും പല ബൂത്തുകളിൽ വോട്ടർമാരുടെ നീണ്ട നിരയാണുള്ളത്. പല ബൂത്തുകളിലും വോട്ടിങ് മന്ദഗതിയിലാണെന്ന് വ്യാപക പരാതിയുണ്ട്. 69.71 ശതമാനമാണ് ഏറ്റവും അവസാനം വന്ന കണക്ക് പ്രകാരം പോളിങ്. ബൂത്തിൽ വരി നിൽക്കുന്നവർക്ക് ടോക്കൺ നൽകിയിട്ടുണ്ട്. ടോക്കൺ ലഭിച്ചവർക്ക് എത്ര വൈകിയാലും വോട്ട് ചെയ്യാൻ അവസരമുണ്ടാകും.
