ചെന്നൈ : തമിഴ്നാട്ടില് കൊവിഡ് കേസുകളില് കുറവ് വന്നതോടെ നിയന്ത്രണങ്ങളില് ഇളവ് പ്രഖ്യാപിച്ചു. രാത്രി കര്ഫ്യൂവും ഞായറാഴ്ച ലോക് ഡൗണും സംസ്ഥാനത്ത് ഒഴിവാക്കി. ഒന്നു മുതല് 12 വരെ ക്ലാസുകള് ഫെബ്രുവരി ഒന്ന് മുതല് തുടങ്ങാനും തീരുമാനിച്ചിട്ടുണ്ട്. തീയേറ്റര്, ഹോട്ടല്, ജിം, ബാര് എന്നിവിടങ്ങളില് 50 ശതമാനം ആളുകള്ക്ക് മാത്രമേ പ്രവേശനമുണ്ടാകൂ. നിലവിലുള്ള മറ്റ് നിയന്ത്രണങ്ങളെല്ലാം തുടരും. തുടര്ച്ചയായ മൂന്നാം ദിവസവും പ്രതിദിന കൊവിഡ് ബാധിതരുടെ എണ്ണത്തില് കുറവുണ്ടായതോടെയാണ് നിയന്ത്രണങ്ങളില് ഇളവ് നല്കിയത്. 24 മണിക്കൂറിനിടെ തമിഴ്നാട്ടില് 28,515 പേര്ക്ക് കൂടിയാണ് കൊവിഡ് സ്ഥിരീകരിച്ചത്. ഇതോടെ ചികിത്സയിലുള്ള രോഗികളുടെ എണ്ണം 2,13,534 ആയി. 51 മരണം കൂടിയാണ് സ്ഥിരീകരിച്ചത്. സംസ്ഥാനത്തെ ആകെ മരണം 37,412 ആയി. സംസ്ഥാനത്തെ പോസിറ്റിവിറ്റി നിരക്ക് 19.9 ശതമാനം ആയി കുറഞ്ഞതാണ് നിയന്ത്രണങ്ങളില് ഇളവ് പ്രഖ്യാപിക്കാനുള്ള തീരുമാനത്തിലേക്ക് നയിച്ചത്.
കഴിഞ്ഞ ദിവസം 24.3 ശതമാനം ആയിരുന്നു ടിപിആര്. ചെന്നൈയിലാണ് കൂടുതല് രോഗികള്. 5591 പേര്ക്ക് ഇവിടെ രോഗം സ്ഥിരീകരിച്ചിട്ടുണ്ട്. 22.6 ശതമാനം ആണ് ചെന്നൈയിലെ ടിപിആര്.
