തിരുവനന്തപുരം: സിനിമ തിയേറ്ററില് കയറി നഗ്നനായി മോഷണം നടത്തിയ പ്രതി സിസി ടിവി ക്യാമറയില് കുടുങ്ങി. തിരുവനന്തപുരം ആറ്റിങ്ങലിലെ ഒരു തീയേറ്ററിലാണ് സംഭവം. കഴിഞ്ഞദിവസം സിനിമ കാണാന് എത്തിയ രണ്ട് യുവതികളുടെ പേഴ്സ് നഷ്ടമായെന്ന പരാതി ഉയര്ന്നതോടെ നടത്തിയ പരിശോധനയിലാണ് കള്ളന് സിസി ടിവിയില് കുടുങ്ങിയത്. സിനിമ കാണാനെന്ന പേരില് ആദ്യം എത്തുകയും സിനിമ തുടങ്ങിയ ശേഷം ആളുകള് കാണാതെ വിവസ്ത്രനായി മോഷണം നടത്തുകയുമാണ് യുവാവിന്റെ രീതിയെന്ന് ദൃശ്യങ്ങളില് വ്യക്തമാണ്. അര്ദ്ധ നഗ്നനായ ശേഷം ഇയാള് മുട്ടില് ഇഴഞ്ഞ് സിനിമ കാണാനെത്തിയവരുടെ സീറ്റിന് അടുത്തെത്തി മോഷണം നടത്തുന്നതാണ് സിസി ടിവിയില് പതിഞ്ഞത്.
