ആലപ്പുഴ: മാവേലിക്കരയില് അച്ചന്കോവിലാറില് കുളിക്കാനിറങ്ങിയ രണ്ടു കുട്ടികള് മുങ്ങിമരിച്ചു. തഴക്കര വെട്ടിയാറില് അച്ചന്കോവിലാറില് കുളിക്കാനിറങ്ങിയ ബന്ധുക്കളായ മൂന്നംഗ സംഘത്തിലെ രണ്ടു പേരാണ് മുങ്ങിമരിച്ചത്. ഒരാളെ രക്ഷപ്പെടുത്തി. മാവേലിക്കര വെട്ടിയാര് തറാല് വടക്കേതില് അഭിമന്യു (15), ആദര്ശ് (17) എന്നിവരാണ് മരിച്ചത്. വെട്ടിയാര് തറാല് വടക്കേതില് ഉണ്ണികൃഷ്ണന് (14) ആണ് രക്ഷപെട്ടത്. വീട്ടില്നിന്നും സൈക്കിള് ചവിട്ടാന് പോകുന്നുവെന്ന് പറഞ്ഞാണ് മൂവരും പോയത്. കടവില് സൈക്കിള് നിര്ത്തിയ ശേഷം പുഴയില് കുളിക്കാനിറങ്ങുന്നതിനിടെയാണ് അപകടം നടന്നത്.
