തിരുവനന്തപുരം> നിയമവശങ്ങൾ പരിശോധിച്ചശേഷമാണ് രാഹുൽ മാങ്കൂട്ടത്തിലിന്റെ അറസ്റ്റെന്ന് നിയമമന്ത്രി പി രാജീവ് പറഞ്ഞു. പൊലീസ് പ്രവർത്തിക്കുന്നത് നിഷ്പക്ഷമായാണ്. പൊലീസിന് രാഷ്ട്രീയമില്ല. ഗവർണർക്കെതിരെ പ്രതിഷേധിച്ച എസ്എഫ്ഐ പ്രവർത്തകർക്കെതിരെ 124 –-ാം വകുപ്പ് ചുമത്തിയാണ് കേസടുത്തത്. യുഡിഎഫിന്റെ കാലത്ത് എംഎൽഎമാരെപോലും വീട്ടിൽനിന്ന് അറസ്റ്റ് ചെയ്തിട്ടുണ്ട്. നിയമം നിയമത്തിന്റെ വഴിക്ക് പോകും. നിയമസഭ പാസാക്കിയ ബില്ലിൽ ഗവർണർക്ക് എന്തെങ്കിലും സംശയമുണ്ടെങ്കിൽ ഭരണഘടന അനുച്ഛേദം 200 പ്രകാരം നിയമസഭയ്ക്ക് തിരിച്ചയക്കാം. പരാതി കിട്ടിയാൽ അതിനനുസരിച്ച് പ്രവർത്തിക്കുക എന്ന് പറയുന്നത് പുതിയ കീഴ്വഴക്കമാകുമെന്നും മാധ്യമങ്ങളുടെ ചോദ്യത്തിനു മുറപടിയായി അദ്ദേഹം പറഞ്ഞു.
