കുവൈത്ത് സിറ്റി: കുവൈത്തില് സദാചാര വിരുദ്ധ പ്രവൃത്തികളിലേര്പ്പെട്ട എട്ടു പ്രവാസികള് അറസ്റ്റില്. സാമൂഹിക മാധ്യമങ്ങള് വഴി സദാചാര വിരുദ്ധ പ്രവൃത്തികള് നടത്തിയതിനാണ് വിവിധ രാജ്യക്കാരായ ഇവര് ആഭ്യന്തര മന്ത്രാലയ ഉദ്യോഗസ്ഥരുടെ പിടിയിലായത്.
മഹ്ബൂല മേഖലയില് നിന്നാണ് ഇവര് പിടിയിലായത്. സദാചാര വിരുദ്ധ പ്രവര്ത്തനങ്ങളിലേര്പ്പെട്ടു, ആളുകളുമായി സോഷ്യല് മീഡിയ അക്കൗണ്ടുകള് വഴി ബന്ധപ്പെട്ട് സദാചാര വിരുദ്ധ പ്രവര്ത്തനങ്ങളിലേര്പ്പെട്ട് പണം വാങ്ങല് എന്നീ കുറ്റങ്ങളാണ് ഇവര്ക്കെതിരെ ചുമത്തിയത്. തുടര് നിയമനടപടികള്ക്കായി അറസ്റ്റിലായവരെ ബന്ധപ്പെട്ട വകുപ്പുകള്ക്ക് കൈമാറി. വിവിധ സോഷ്യല് മീഡിയ പ്ലാറ്റ്ഫോമുകള് വഴിയുള്ള അനാശാസ്യ പ്രവര്ത്തനങ്ങളുടെ പേരില് 15 പ്രവാസികളെ കുവൈത്തില് കഴിഞ്ഞ ദിവസം ഉദ്യോഗസ്ഥര് അറസ്റ്റ് ചെയ്തിരുന്നു. വിവിധ രാജ്യക്കാരായ സ്ത്രീകള് ഉള്പ്പെടെയുള്ളവരാണ് പിടിയിലായത്. എന്നാല് ഇവരെക്കുറിച്ചുള്ള മറ്റ് വിവരങ്ങളൊന്നും അധികൃതര് പുറത്തുവിട്ടിട്ടില്ല.കുവൈത്തില് തൊഴില്, താാമസ നിയമലംഘകരായ പ്രവാസികള്ക്കായി നടത്തിവരുന്ന പരിശോധനകളും തുടരുകയാണ്. മാന്പവര് പബ്ലിക് അതോറിറ്റിയുടെ നേതൃത്വത്തില് റെസിഡന്സ് അഫയേഴ്സ് ഇന്വെസ്റ്റിഗേഷന് വകുപ്പിന്റെ സഹകരണത്തോടെ ജൂണ് മാസം നടന്ന പരിശോധനകളില് ആകെ 922 പ്രവാസികളെ അറസ്റ്റ് ചെയ്തതായി ഔദ്യോഗിക കണക്കുകള് വ്യക്തമാക്കുന്നു. തുടര് നടപടികള് പൂര്ത്തിയാക്കി ഇവരെ രാജ്യത്തു നിന്ന് നാടുകടത്താനുള്ള നടപടികളാണ് ഇപ്പോള് പുരോഗമിക്കുന്നത്.
