ബെംഗളൂരു : രാമനഗരയിലെ മഗാഡി ചിലുമെ മഠത്തിലെ സ്വാമി ബസവലിംഗയെ(62) മഠത്തിനകത്ത് തൂങ്ങിമരിച്ച നിലയിൽ കണ്ടെത്തി. മഠത്തിലെ ഒരു ജനാലയ്ക്ക് സമീപമാണ് മൃതദേഹം കണ്ടത്. പുലർച്ചെ അഞ്ചുമണിക്ക് സ്വാമി പൂജ നടത്തിയതായി ജീവനക്കാർ പറഞ്ഞു. സ്വാമിയുടെ മരണത്തിൽ ദുരൂഹതയുണ്ടെന്ന് ജീവനക്കാർ പോലീസിനോടു പറഞ്ഞു. ജില്ലാ പോലീസ് സൂപ്രണ്ട് എസ്. ഗിരീഷ് സ്ഥലത്തെത്തി മഠത്തിലെ ജീവനക്കാരിൽനിന്ന് വിവരങ്ങൾ ശേഖരിച്ചു. അസ്വാഭാവികമരണത്തിന് പോലീസ് കേസെടുത്തു. ദൊഡ്ഡബെല്ലാപുര സ്വദേശിയാണ് ബസവലിംഗ സ്വാമി. അടുത്തകാലത്ത് ചില ആരോഗ്യപ്രശ്നങ്ങൾ അദ്ദേഹത്തെ അലട്ടിയിരുന്നതായി പറയുന്നു.1982 മുതൽ സ്വാമി ചിലുമെ മഠത്തിലുണ്ട്.
