പത്തനംതിട്ട : സുഹൃത്തിന്റെ മകളായ എട്ടരവയസ്സുകാരിയെ പീഡിപ്പിച്ചെന്ന കേസിൽ പ്രതിക്ക് ഒമ്പതുവർഷം കഠിനതടവും ഒരു ലക്ഷം രൂപ പിഴയും. പന്തളം തുമ്പമൺ നടവിലെമുറിയിൽ പാമ്പുമഠത്തിൽ കിഴക്കേതിൽ സാമുവലിനാണ് (52) പത്തനംതിട്ട പ്രിൻസിപ്പൽ പോക്സോ ജഡ്ജി ജയകുമാർ ജോൺ ശിക്ഷ വിധിച്ചത്. 2017 ജൂൺ മുതൽ ഒരു മാസമാണ് കുട്ടിയെ പീഡിപ്പിച്ചത്. സുഹൃത്തും ഭാര്യയും വീട്ടിലില്ലാത്ത സമയത്തായിരുന്നു പീഡനം. കുട്ടിയെ പ്രതി മടിയിലിരുത്തി ചുംബിക്കുന്നത് അവിചാരിതമായി കണ്ടതോടെയാണ് പീഡനവിവരം അറിഞ്ഞത്. പരാതിയെത്തുടർന്ന് പന്തളം പോലീസ് പ്രതിയെ അറസ്റ്റ് ചെയ്തു. പ്രതി മുമ്പും സമാനകേസിൽ വിചാരണ നേരിട്ടതാണ്. എന്നാൽ, തെളിവുകളുടെ അഭാവത്തിൽ വിട്ടയച്ചു. പ്രോസിക്യൂഷനുവേണ്ടി പ്രിൻസിപ്പൽ സ്പെഷ്യൽ പ്രോസിക്യൂട്ടർ അഡ്വ. ജയ്സൺ മാത്യൂസ് ഹാജരായി.
