കൊച്ചി: സംസ്ഥാനത്ത്‌ കോവിഡ് ഇളവുകൾ മറ്റു മേഖലകളിലെ പോലെ സിനിമ മേഖലയിലും അനുവദിക്കണമെന്ന ആവശ്യവുമായി കേരള ഫിലിം പ്രൊഡ്യൂസേഴ്‌സ്‌ അസോസിയേഷൻ. തിയേറ്ററുകളിൽ എല്ലാ സീറ്റിലും ആളുകളെ പ്രവേശിപ്പിക്കാൻ അനുവദിക്കണമെന്നും സിനിമ വ്യവസായത്തിന്‌ ഏർപ്പെടുത്തിയിട്ടുള്ള വിനോദനികുതി പിൻവലിക്കണമെന്നും മുഖ്യമന്ത്രി പിണറായി വിജയന് നൽകിയ നിവേദനത്തിൽ അസോസിയേഷൻ സെക്രട്ടറി ആന്റോ ജോസഫ്‌ ആവശ്യപ്പെട്ടു.
നിലവിൽ തിയേറ്ററുകളിൽ 50 ശതമാനം ആളുകളെ പ്രവേശിപ്പിക്കാനാണ്‌ അനുമതിയൊള്ളൂ. കോവിഡ് കുറഞ്ഞ സാഹചര്യത്തിൽ മറ്റു സംസ്ഥാനങ്ങളിൽ 100 ശതമാനം പ്രവേശനാനുമതി നൽകുന്നുണ്ട്‌. കോവിഡുമൂലം സിനിമ വ്യവസായം തകർച്ചയിലാണെന്നും വ്യവസായത്തിന്റെ നിലനിൽപ്പിന്‌ സഹായകരമാകുന്ന തീരുമാനങ്ങൾ വേണമെന്നും ആന്റോ ജോസഫ്‌ ആവശ്യപ്പെട്ടു.
