അബുദാബി: അബുദാബിയില് കാരവനുകള്ക്ക് തീപിടിച്ചു. മുസഫ വ്യവസായ മേഖലയില് ബുധനാഴ്ച വൈകിട്ടാണ് തീപിടിത്തം ഉണ്ടായത്. സംഭവം അറിഞ്ഞ ഉടന് സ്ഥലത്തെത്തിയ അബുദാബി പൊലീസും അബുദാബി സിവില് ഡിഫന്സ് സംഘവും തീ നിയന്ത്രണവിധേയമാക്കി. പ്രദേശവാസികളാണ് വിവരം അധികൃതരെ അറിയിച്ചത്. തീപിടിത്തത്തില് ആര്ക്കും പരിക്കേറ്റിട്ടില്ലെന്ന് പൊലീസ് അറിയിച്ചു. തീപിടിത്തത്തിന്റെ കാരണം കണ്ടെത്താന് പൊലീസ് അന്വേഷണം പുരോഗമിക്കുകയാണ്.
