കാസര്‍ഗോഡ്: കാസര്‍ഗോഡ് ഓടിക്കൊണ്ടിരുന്ന ജീപ്പിന് തീപിടിച്ചു. യാത്രക്കാര്‍ അത്ഭുതകരമായി രക്ഷപ്പെട്ടു. കാഞ്ഞങ്ങാട്, കോട്ടച്ചേരി മേല്‍പ്പാലത്തിനു സമീപമാണ് സംഭവം. അജാനൂര്‍ ക്രസന്റ് സ്‌കൂളിന്റെ ജീപ്പിനാണ് തീപിടിച്ചത്. പുക ഉയരുന്നത് കണ്ടപ്പോള്‍ ജിപ്പില്‍ ഉണ്ടായിരുന്ന രണ്ടുപേര്‍ വാഹനം നിറുത്തി പുറത്തേക്ക് ഓടി രക്ഷപ്പെടുകയായിരുന്നു. പിന്നീട് തീ ആളി കത്തി. കാഞ്ഞങ്ങാട് നിന്നുളള അഗ്‌നിരക്ഷാ സേനയെത്തിയാണ് തീ അണയ്ച്ചത്.
