മഡ്ഗാവ്: ട്രെയിനിൽ തീപിടുത്തം. മഡ്ഗാവ് -എറണാകുളം എക്സ്പ്രസിലാണ് തീപിടുത്തമുണ്ടായത്. കർണ്ണാടകത്തിൽ വച്ച് രാത്രി 10. 45 ഓടെ S2 ബോഗിയുടെ അടിഭാഗത്തിനാണ് തീപിടിച്ചത്. യാത്രക്കാർ അറിയിച്ചതിന് ശേഷം തീവണ്ടി നിർത്തി റെയിൽവെ ജീവനക്കാർ തീയണക്കുകയായിരുന്നു. അഗ്നിബാധയില് ആളപായമില്ല സർവീസ് പുനരാരംഭിച്ചിട്ടുണ്ട്.
കഴിഞ്ഞ നവംബര് മാസത്തില് മധ്യപ്രദേശിലെ മൊറീനയിൽ ട്രെയിനിന് തീ പിടിച്ചിരുന്നു. ദുർഗ് – ഉദൈയ്പൂർ എക്സ്പ്രസിന്റെ നാല് ബോഗികളിലാണ് തീപ്പിടുത്തമുണ്ടായത്. മധ്യപ്രദേശിലെ മൊറീന സ്റ്റേഷനിൽ വെച്ചാണ് തീപിടുത്തമുണ്ടായത്. എസി കോച്ചുകളിലേക്കാണ് തീപടർന്നത്. ട്രെയിൻ മൊറീന സ്റ്റേഷനിൽ നിർത്തിയിട്ട സമയത്താണ് തീപിടിച്ചത്.
