സന: ആഭ്യന്തരയുദ്ധം തുടരുന്ന യെമനിൽ, തലസ്ഥാനമായ സനയിൽനിന്ന് ആറു വർഷത്തെ ഇടവേളയ്ക്കു ശേഷം യാത്രാവിമാന സർവീസ് പുനരാരംഭിച്ചു. ഐക്യരാഷ്ട്ര സംഘടന ഇടപെട്ട് വെടിനിർത്തൽ നടപ്പാക്കിയതിനെത്തുടർന്നാണിത്. ജോർദാൻ തലസ്ഥാനമായ അമ്മാനിലേക്കുള്ള വിമാനത്തിൽ രോഗികളുൾപ്പെടെ 151 യാത്രക്കാരാണ് ഉണ്ടായിരുന്നത്.
ജോർദാനിലേക്കും ഈജിപ്തിലേക്കും ആഴ്ചയിൽ 2 വിമാനങ്ങൾ സർവീസ് നടത്തണമെന്നാണു വെടിനിർത്തൽ കരാറിലുള്ളത്. വിദേശരാജ്യങ്ങളിൽ ചികിത്സ തേടാനായി വിമാന സർവീസ് പുനരാരംഭിക്കുന്നതു കാത്ത് 3 ലക്ഷം രോഗികളാണു യെമനിലുള്ളത്. ഹൂതി വിമതർ 2014 ൽ പിടിച്ചെടുത്ത സനയിൽ 6 കൊല്ലമായി വിമാനത്താവളം അടഞ്ഞുകിടക്കുകയായിരുന്നു
