തലയോലപ്പറമ്പ്: മത്സ്യബന്ധനത്തിനിടെ തൊഴിലാളി മുങ്ങി മരിച്ചു. ഇടവട്ടം ചൊള്ളംവേലിൽ മാധവന്റെ മകൻ ബിജു (50) ആണ് മരിച്ചത്. വ്യാഴാഴ്ച്ച വൈകിട്ട് 4.30 ന് മറവൻതുരുത്ത് പഞ്ചായത്തിൽ പാലാംകടവ് തുരുത്തേൽ ഭാഗത്ത് മുവാറ്റുപുഴ ആറ്റിലാണ് സംഭവം. സുഹൃത്തിനോടൊപ്പം മത്സ്യബന്ധനം നടത്തുന്നതിനിടെ വെള്ളത്തിലേക്കു വീഴുകയായിരുന്നു.
സുഹൃത്ത് പുത്തൻ പുരയ്ക്കൽ കോളനിയിൽ സിജുമോനും നാട്ടുകാരും തിരച്ചിൽ നടത്തിയെങ്കിലും വിജയിച്ചില്ല. കടുത്തുരുത്തിയിൽ നിന്നും അഗ്നിരക്ഷാസേനയുടെ രണ്ട് യൂണിറ്റെത്തി അസിസ്റ്റന്റ് സ്റ്റേഷൻ ഓഫിസർ ടി ഷാജികുമാറിന്റെ നേതൃത്വത്തിൽ സ്കൂബ ടീം അംഗങ്ങളായ ഫയർ ആൻഡ് റെസ്ക്യു ഓഫിസർമാരായ ശ്രീനാഥ്, കെ എസ് നന്ദു എന്നിവർ ആറ്റിൽ നിന്നും മുങ്ങി എടുത്ത് കരയ്ക്ക് എത്തിച്ചെങ്കിലും ജീവൻ രക്ഷിക്കാനായില്ല. അമ്മ: ചെല്ലമ്മ. സഹോദരങ്ങൾ: മധു, ഷിബു. മൃതദേഹം താലൂക്ക് ആശുപത്രി മോർച്ചറിയിൽ.
