കൊച്ചി∙ സംസ്ഥാന സര്ക്കാരിനെ കടന്നാക്രമിച്ച് ഗവര്ണര് ആരിഫ് മുഹമ്മദ് ഖാന്. സര്ക്കാര് പരിധി വിടരുതെന്ന് ആവര്ത്തിച്ച ഗവര്ണര് തന്റെ പ്രവര്ത്തനം വിലയിരുത്താന് മന്ത്രിമാര്ക്ക് എന്ത് അധികാരമെന്നും ചോദിച്ചു. അതേസമയം, വിസിയുടെ നിയമനം നടത്താൻ ആർക്കാണ് അർഹതയെന്നും ആർക്കാണ് അർഹതയില്ലാത്തതെന്നും സുപ്രീംകോടതി ഉത്തരവിലൂടെ വ്യക്തമായതായും ഗവര്ണര് കൂട്ടിച്ചേര്ത്തു.തന്നെ വിലയിരുത്താന് വരേണ്ടെന്നും മന്ത്രിമാരുടെ നടപടികൾ വിലയിരുത്താനാണ് തന്നെ നിയമിച്ചിരിക്കുന്നതെന്നും ഗവര്ണർ പറഞ്ഞു. പാർട്ടിക്കാരെയാണ് പ്രൈവറ്റ് സ്റ്റാഫായി മന്ത്രിമാർ നിയമിക്കുന്നതെന്നും അദ്ദേഹം ആരോപിച്ചു.
