കട്ടപ്പന: ഇടുക്കിയിൽ എയർഗൺ കൊണ്ടുള്ള വെടിയേറ്റ് യുവാവിന് പരിക്ക്. ഇടുക്കി ശാന്തൻപാറ ബി.എൽ.റാവിലാണ് സംഭവം. സൂര്യനെല്ലി സ്വദേശി മൈക്കിൾ രാജിനാണ് വെടിയേറ്റത്. ബി.എൽ.റാവ് സ്വാദേശി കരിപ്പക്കാട്ട് ബിജു വർഗ്ഗിസ് ആണ് മൈക്കിളിനെ വെടിവച്ചതെന്നാണ് പോലീസ് പറയുന്നത്.
ഇരുവരും തമ്മിലുണ്ടായ വാക്കുതർക്കത്തിനിടെ ബിജു വ‍ർഗീസ് എയർഗൺ ഉപയോഗിച്ച് മൈക്കിളിനെ വെടിവയ്ക്കുകയായിരുന്നുവെന്നാണ് വിവരം. പരിക്കേറ്റ മൈക്കിളിനെ നാട്ടുകാ‍ർ ചേർന്ന് നെടുക്കണ്ടം താലൂക്ക് ആശുപത്രിയിൽ പ്രവേശിപ്പിച്ചു. തുട‍ർന്ന് കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ഇയാളുടെ പരിക്ക് ഗുരതരമല്ലെന്നാണ് വിവരം. ബിജു വ‍ർഗീസിനെ ശാന്തൻപാറ പോലീസ് കസ്റ്റഡിയിലെടുത്തു.
