തിരുവനന്തപുരം : ലോകത്തെ ഏറ്റവും ബൃഹത്തായ യുവജന സംഘടനയായ ജെസിഐയുടെ മേഖല 22 ൻ്റെ (തിരുവനന്തപുരം, കൊല്ലം, പത്തംനംത്തിട്ട, ആലപ്പുഴ, കോട്ടയം, ഇടുക്കി) 2022 ലെ കർമ്മ ശ്രേഷ്ഠ പുരസ്കാരത്തിന് കോന്നി എംഎൽഎ കെ.യു.ജനീഷ്കുമാർ അർഹനായി. കഴിഞ്ഞ 7 വർഷമായി സേവന സന്നദ്ധ കർമ്മമേഖലയിൽ നിസ്തുലമായി പ്രവർത്തിക്കുന്നവർക്കാണ് അവാർഡ്. കോന്നി മണ്ഡലത്തിൽ ടൂറിസം, ആരോഗ്യം, വിദ്യാഭാസം, ദുരിതാശ്വസം, കൊവിഡ് പ്രതിരോധ പ്രവർത്തനങ്ങൾ, യുവജനക്ഷേമ പ്രവർത്തനങ്ങൾ, കലാകായിക മേഖലയിൽ ചെയ്ത സേവനങ്ങൾ , 2 വർഷം കൊണ്ട് നടത്തിയ പ്രവർത്തനങ്ങളെ മാനിച്ച് കൊണ്ട് ജെസിഐ ഇന്ത്യ മേഖല 22 ഈ അവാർഡ് നിർണയിക്കുന്നത്. കോട്ടയത്ത് നടന്ന അവാർഡ് പ്രഖ്യാപനത്തിൽ മേഖല 22 പ്രസിഡൻ്റ് മനു ജോർജ് അവാർഡ് പ്രഖ്യാപിച്ചു. യൂത്ത് ഐക്കൺ അവാർഡിന് മുൻ ഇന്ത്യൻ ബാസ്കാറ്റ്ബോൾ ക്യാപ്റ്റൻ ഗീതു അന്ന രാഹുൽ അർഹയായി.
