കൽപ്പറ്റ > കാനഡയിൽ മെഡിക്കൽ കോഡിങ് ജോലി വാഗ്ദാനം ചെയ്ത് യുവതിയിൽനിന്നു 18 ലക്ഷം തട്ടിയെടുത്ത വിദേശ പൗരൻ അറസ്റ്റിൽ. ബംഗളൂരുവിൽ ഡിജെ പ്രോഗ്രാമറായി ജോലി ചെയ്യുന്ന നൈജീരിയക്കാരൻ മോസസിനെയാണ്(30) കൽപ്പറ്റ സൈബർ പൊലീസ് പിടികൂടിയത്. കൽപ്പറ്റ സ്വദേശിനിയായ യുവതിയുടെ പരാതിയിലാണ് യുവാവ് പിടിയിലായത്.
ജോലി ആവശ്യത്തിന് വെബ്സൈറ്റുകളിൽ അപ്ലോഡ് ചെയ്ത ഡാറ്റ ഉപയോഗപ്പെടുത്തിയായിരുന്നു തട്ടിപ്പ്. 17 ലക്ഷത്തിലധികം രൂപ ബാങ്ക് അക്കൗണ്ടിൽ കൈപ്പറ്റിയ മോസസ് കൂടുതൽ പണം ആവശ്യപ്പെട്ടപ്പോഴാണ് യുവതിയും വീട്ടുകാരും പൊലിസിൽ പരാതിപ്പെട്ടത്.
