സമീപകാലത്ത് സൈലന്റായി എത്തി വൻ പ്രേക്ഷക പ്രിയം നേടിയ ചിത്രമാണ് ‘കണ്ണൂർ സ്ക്വാഡ്’. മമ്മൂട്ടിയെ നായകനാക്കി റോബി വർഗീസ് രാജ് സംവിധാനം ചെയ്ത ചിത്രം ബോക്സ് ഓഫീസ് കീഴടക്കി ഒടിടിയിലും എത്തിക്കഴിഞ്ഞു. ഡിസ്നി പ്ലസ് ഹോട്സ്റ്റാറിലാണ് സ്ട്രീമിംഗ്. ഈ അവസരത്തിൽ പുത്തൻ നേട്ടവും സ്വന്തമാക്കിയിരിക്കുകയാണ് കണ്ണൂർ സ്ക്വാഡ്. ഹോട്സ്റ്റാറിലെ മികച്ച പത്ത് സിനിമകളിൽ ഒന്നാം സ്ഥാനം ആണ് കണ്ണൂർ സ്ക്വാഡ് സ്വന്തമാക്കിയിരിക്കുന്നത്. കഴിഞ്ഞ ദിവസം ഒടിടിയിൽ എത്തിയ ചിത്രമാണ് ഈ നേട്ടം സ്വന്തമാക്കിയിരിക്കുന്നത് എന്നത് ശ്രദ്ധേയമാണ്. വാലാട്ടി, വെബ്സീരീസ് മാസ്റ്റർ പീസ്, കിംഗ് ഓഫ് കൊത്ത, ഹൃദയം, ലേബൽ, സ്കാഡ, റോഷാക്ക്, മോൺസ്റ്റർ,നെയ്മർ എന്നിവയാണ് യഥാക്രമം രണ്ട് മുതൽ പത്തുവരെ സ്ഥാനങ്ങളിൽ.
