കരിപ്പൂർ: വിമാനത്താവളത്തിൽ ജിദ്ദയിൽനിന്നെത്തിയ ആറ് യാത്രക്കാരിൽനിന്നായി ആറേകാൽ കിലോ സ്വർണം പിടികൂടി. ഡയറക്ടറേറ്റ് ഓഫ് റവന്യൂ ഇന്റലിജൻസ് വിഭാഗം (ഡിആർഐ)ആണ് സ്വർണം പിടികൂടിയത്. പുള്ളംബലവൻ മുഹമ്മദ് ഷിഹാബ്, ചേലക്കോടൻ സഫീർ, പൂളക്കൽ റാഷിദ്, കാണ്ടി ഗഫൂർ, പളളിക്കര ഫിറോസ്, കൊളപറമ്പ് അസ്കറലി എന്നിവരാണ് പിടിയിലായത്.
ജിദ്ദയിൽനിന്നും 6ഇ1843 ഇൻഡിഗോ വിമാനത്തിലാണ് ഇവർ കരിപ്പൂരിലെത്തിയത്. രണ്ടാഴ്ചയോളമായി വിമാനത്താവളവും യാത്രക്കാരും ഡിആർഐ ഉദ്യോഗസ്ഥരുടെ നിരീക്ഷണത്തിലായിരുന്നു. ജിദ്ദയിൽനിന്നുള്ള യാത്രക്കാരെ പ്രത്യേക പരിശോധനക്ക് വിധേയമാക്കിയിരുന്നു.
