ബംഗളൂരു: കര്ണാടക നിയമസഭാ തെരഞ്ഞെടുപ്പില് നാമനിര്ദേശ പത്രിക സമര്പ്പിക്കാനുള്ള സമയം അവസാനിച്ചതോടെ തെരഞ്ഞെടുപ്പ് രംഗം കൂടുതല് ചൂട് പിടിക്കുന്നു. കോണ്ഗ്രസും ബിജെപിയും ശക്തമായ മത്സരമാണ് കാഴ്ചവെക്കുക. അതേസമയം കര്ണ്ണാടകയിലെ താര പ്രചാരകരുടെ പട്ടികയില് നിന്ന് ഒഴിവാക്കിയ സച്ചിന് പൈലറ്റ് ജലന്ദര് ഉപതെരഞ്ഞെടുപ്പിന്റെ താര പ്രചാരകരുടെ പട്ടികയില് ഇടം നേടി.
വലിയ റാലിയോടു കൂടി തന്നെയാണ് സ്ഥാനാര്ത്ഥികള് അവസാന ദിവസവും നാമനിര്ദേശ പത്രിക സമര്പ്പണത്തിനെത്തിയത്. ഷിഗാവില് മുഖ്യമന്ത്രി ബസവരാജ് ബൊമ്മയ് ക്കെതിരായ നേരത്തെ നിശ്ചയിച്ചിരുന്ന മുഹമ്മദ് യൂസഫ് സവനൂറിന് പകരം യാസിര് അഹമ്മദ് ഖാന് പഠാന്ഡ മത്സരിക്കും.മാംഗളൂര് സിറ്റി നോര്ത്തില് ഇനായത്ത് അലിയാണ് കോണ്ഗ്രസ് സ്ഥാനാര്ത്ഥി. വരും ദിവസങ്ങളില് പ്രധാനമന്ത്രി നരേന്ദ്ര മോദി, അമിത് ഷാ ഉള്പ്പെടെയുള്ളവര് കൂടി എത്തുന്നതോടെ പ്രചാരണം ചൂട് പിടിക്കും.
