പെരുമ്പാവൂർ > പെരുമ്പാവൂരിൽ ബ്രൗൺ ഷുഗർ വിൽപ്പന നടത്തിയ ആറ് ഇതരസംസ്ഥാനക്കാരെ പൊലീസ് പിടികൂടി. അസം സോണിറ്റ്പുർ സ്വദേശി മിറാജുൾ ഇസ്ലാം (20), നൗഗാവ് സ്വദേശികളായ സദിക്കുൽ ഇസ്ലാം (24), അഫ്‌സിക്കുർ റഹ്മാൻ (25), മണിനൂർ ഹഖ് (27), റജക് അലി (25), മുർഷിദാബാദ് സ്വദേശി ഇന്തജൂർ (44) എന്നിവരാണ് പെരുമ്പാവൂർ പൊലീസിന്റെ പിടിയിലായത്. ഇവരിൽനിന്ന് 6.32 ഗ്രാം ബ്രൗൺ ഷുഗർ പിടിച്ചെടുത്തു.മിറാജുൾ ഇസ്ലാമിന്റെ പക്കൽനിന്നുമാത്രം 4.50 ഗ്രാം ബ്രൗൺ ഷുഗർ കണ്ടെടുത്തു. രണ്ടുദിവസംമുമ്പാണ് ഇയാൾ മയക്കുമരുന്നുമായി കേരളത്തിലെത്തിയത്. വെങ്ങോലയിൽനിന്ന് പിടികൂടുമ്പോൾ മയക്കുമരുന്ന് വിൽപ്പനയിലൂടെയുള്ള 13,400 രൂപയും കണ്ടെടുത്തു. മറ്റ്‌ അഞ്ചുപേരെ പെരുമ്പാവൂർ ടൗണിൽനിന്നാണ് പിടികൂടിയത്. രണ്ടുദിവസമാണ് പരിശോധന നടത്തിയത്. ഇൻസ്പെക്ടർ ആർ രഞ്ജിത്, എസ്‌ഐമാരായ റിൻസ് എം തോമസ്, ജോസി എം ജോൺസൺ, വി എം ഡോളി തുടങ്ങിയവരുടെ സംഘമാണ്‌ പ്രതികളെ കസ്റ്റഡിയിലെടുത്തത്.
