കാലടി> മലയാറ്റൂര് നീലീശ്വരത്ത് പുഴയില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു. നീലീശ്വരം പ്ലാപ്പള്ളി കവലക്ക് സമീപം താമസിക്കുന്ന വെള്ളിമറ്റം വീട്ടില് മുരളിയുടെ മകന് ജഗനാഥന് (14) നാണ് മരിച്ചത്.
പൊലീസും അഗ്നിശമനസേനയും ചേര്ന്നുള്ള തെരച്ചിലിലാണ് വൈകീട്ടോടെ പുഴയില് ജഗനാഥന്റ മൃതദേഹം കണ്ടെത്തിയത്. തിങ്കള് നാലോടെ നീലേശ്വരം പ്ലാപ്പള്ളി കവലയില് ഉള്ള അഞ്ചു കുട്ടികളാണ് പുഴയില് കുളിക്കാന് എത്തിയത്. ഇതില് നാലുപേര് കുളിക്കാന് ഇറങ്ങി കുട്ടികള് പുഴയില് മുങ്ങി താഴുന്നത് കടവില് ചൂണ്ടയിട്ടിരുന്നയാള് കണ്ടു. അദ്ദേഹം മൂന്ന് കുട്ടികളെ നീന്തി രക്ഷപ്പെടുത്തി.
നീലീശ്വരം എസ്എന്ഡിപി സ്കൂളില് പഠിക്കുന്ന കുട്ടികളാണ് വെള്ളത്തില് കുളിക്കാന് ഇറങ്ങിയത്. ജഗനാഥന്റ മൃതദേഹം അങ്കമാലിയിലെ സ്വകാര്യ ആശുപത്രിയിലേക്ക് മാറ്റി. താലൂക്ക് ആശുപത്രിയില് പോസ്റ്റ് മോര്ട്ടം നടത്തും. മാതാവ് : സുധ, സഹോദരന്: ജിനദേവ്
