തിരുവനന്തപുരം > കല്ലമ്പലത്ത് യുവാവിനെ കുളത്തിൽ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് പൊലീസ്. കല്ലമ്പലം സ്വദേശി രാജുവിന്റെ മരണമാണ് കൊലപാതകമാണെന്ന് തെളിഞ്ഞത്. സംഭവത്തിൽ മരിച്ച രാജുവിന്റെ സുഹൃത്ത് സുനിലിനെ പൊലീസ് അറസ്റ്റ് ചെയ്തു.വെള്ളിയാഴ്ചയാണ് രാജുവിനെ കുളത്തിൽ മരിച്ച നിലയിൽ കണ്ടെത്തിയത്. മൃതദേഹം കണ്ടെത്തിയതിന് പിന്നാലെ സംഭവത്തിൽ സംശയം ഉന്നയിച്ച് കുടുംബം രംഗത്തെത്തിയിരുന്നു. തുടർന്ന് നടത്തിയ പോലീസ് നടത്തിയ അന്വേഷണത്തിലാണ് കൊലപാതകമാണെന്ന് തെളിഞ്ഞത്.സുഹൃത്തുമൊത്ത് മദ്യപിക്കുന്നതിനിടെയായിരുന്നു കൊലപാതകം. മദ്യപാനത്തെ തുടർന്നുണ്ടായ തർക്കത്തിനിടെ രാജുവിനെ വെള്ളത്തിൽ മുക്കി കൊലപ്പെടുത്തുകയായിരുന്നു. സുനിൽ കുറ്റസമ്മതം നടത്തിയതായി പൊലീസ് അറിയിച്ചു.
