അങ്കമാലി: ശമ്പളം വൈകുന്നതിനെതിരെ ഭിക്ഷ യാചിച്ച് പ്രതിഷേധിച്ച് കെഎസ്ആര്‍ടിസി അങ്കമാലി ഡിപ്പോ ജീവനക്കാര്‍. ബിഎംഎസിന്റെ നേതൃത്വത്തിലായിരുന്നു പ്രതിഷേധം. ബിഎംഎസിന്റെ നേതൃത്വത്തിലാണ് പ്രതിഷേധം സംഘടിപ്പിച്ചത്. ഇന്ന് രാവിലെയാണ് ഈ വിഷുദിനത്തില്‍ അങ്കമാലി ഡിപ്പോയിലെ ഒരു വിഭാഗം ജീവനക്കാര്‍ പ്രതിഷേധവുമായി രംഗത്തെത്തിയത്. കയ്യിലൊരു ചട്ടി പിടിച്ച് തങ്ങള്‍ പിച്ചച്ചട്ടി എടുത്ത് ജീവിക്കേണ്ട അവസ്ഥയിലേക്കാണ് കാര്യങ്ങള്‍ പോകുന്നതെന്ന് പറഞ്ഞുകൊണ്ടാണ് പ്രതിഷേധ പ്രകടനവുമായി എത്തിയത്. ബസ് സ്റ്റാന്‍ഡിലുള്ളിലെ കടകളിലൊക്കെ തന്നെ പോയി അവര്‍ ഭിക്ഷ യാചിക്കുന്ന രീതിയിലുള്ള സമര രീതികളും നടത്തി.
