ബംഗളൂരു: 2024 ലോക്സഭാ തെരഞ്ഞെടുപ്പില് ഇടതുപാര്ട്ടികള്ക്കൊപ്പം നില്ക്കുമെന്ന് ജെഡിഎസ് അധ്യക്ഷന് എച്ച്ഡി ദേവഗൗഡ. വാര്ത്താ ഏജന്സിയായ എഎന്ഐക്ക് നല്കിയ പ്രതികരണത്തിലാണ് ദേവഗൗഡ ഇക്കാര്യം പറഞ്ഞത്. നിയമസഭാ തെരഞ്ഞെടുപ്പില് ബാഗേപ്പള്ളിയില് സ്വന്തം സ്ഥാനാര്ത്ഥിയെ പിന്വലിച്ച് സിപിഐഎമ്മിനെ പിന്തുണക്കാനും ജെഡിഎസ് തീരുമാനിച്ചിട്ടുണ്ട്. പ്രതിപക്ഷ ഐക്യം അനിവാര്യമാണെന്ന് സിപിഐഎം ജനറല് സെക്രട്ടറി സീതാറാം യെച്ചൂരി കഴിഞ്ഞ ദിവസം പറഞ്ഞിരുന്നു. 2024 തെരഞ്ഞെടുപ്പില് ബിജെപിയെ പരാജയപ്പെടുത്തുകയാണ് ലക്ഷ്യം. രാഷ്ട്രീയ കൂട്ടുകെട്ട് സംസ്ഥാന സാഹചര്യങ്ങള് അനുസരിച്ചായിരിക്കുമെന്നും യെച്ചൂരി പറഞ്ഞിരുന്നു.
