തിരുവനന്തപുരം∙ നിയന്ത്രണം വിട്ട ലോറി, ബസ് കാത്തിരിപ്പുകേന്ദ്രത്തിലേക്ക് ഇടിച്ചുകയറി വിദ്യാർഥികൾക്ക് പരുക്ക്. നെടുമങ്ങാട്–ആര്യനാട് റൂട്ടിൽ കുളപ്പട ആശുപത്രിക്ക് സമീപം രാവിലെ 9.10നാണ് അപകടം. കാത്തിരിപ്പ് കേന്ദ്രം തകർത്ത് ലോറി കരമനയാറ്റിന്റെ കരയിലേക്ക് മറിഞ്ഞു. ബസ് കാത്തിരുപ്പുകേന്ദ്രത്തിൽ 5 പേരുണ്ടായിരുന്നുവെന്നാണ് പ്രാഥമിക വിവരം. ഇതിൽ നാല് കുട്ടികളാണ്. മൂന്നു കുട്ടികളെ ആശുപത്രിയിൽ പ്രവേശിപ്പിച്ചു. കാണാതായ ഒരു കുട്ടിക്കായി തിരച്ചിൽ നടത്തുകയാണ്.
