പുനലൂർ: പതിനഞ്ചുകാരിയെ വശീകരിച്ച് പീഡിപ്പിച്ച് ഫോട്ടോകൾ ശേഖരിച്ചശേഷം ഭീഷണിപ്പെടുത്തി സ്വർണാഭരണങ്ങളും പണവും തട്ടിയെടുത്ത യുവാവിനെ പുനലൂർ പോലീസ് അറസ്റ്റ് ചെയ്തു. ഒറ്റക്കൽ ലുക്കൗട്ടിന് സമീപം മാപ്പിളശ്ശേരി വീട്ടിൽ റെനിൻ വർഗീസ് (20) ആണ് പിടിയിലായത്.പുനലൂർ സ്വദേശിനിയായ പെൺകുട്ടിയാണ് ഇരയായത്. ചിത്രങ്ങൾ സംഘടിപ്പിച്ചശേഷം പുറത്ത് പ്രചരിപ്പിക്കുമെന്ന് ഭീഷണിപ്പെടുത്തിയാണ് സ്വർണവും പണവും തട്ടിയെടുത്തതെന്ന് പോലീസ് പറഞ്ഞു. പുനലൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
