കൊച്ചി ∙ തീരദേശ സംരക്ഷണസേനയ്ക്ക് കീഴിലുള്ള നാഷനൽ മാരിടൈം സേർച് ആൻഡ് റെസ്ക്യു ബോർഡ് ഏർപ്പെടുത്തിയ തിരച്ചിൽ, ജീവൻരക്ഷാ പ്രവർത്തന മേഖലയിലെ (എസ്എആർ) മികച്ച സേവനങ്ങൾക്കുള്ള അംഗീകാരം ലക്ഷദ്വീപ് അഡ്മിനിസ്ട്രേഷൻ ഫിഷറീസ് വകുപ്പിന്റെ എംഎഫ്വി ബ്ലൂഫിന് ലഭിച്ചു.
സർക്കാർ ഉടമസ്ഥതയിലുള്ള കപ്പലുകളുടെ വിഭാഗത്തിൽ നിന്നാണ് ബ്ലൂഫിന് അംഗീകാരം. നിയന്ത്രണം നഷ്ടപ്പെട്ടു കടലിൽ ഒഴുകിയ മത്സ്യബന്ധന ബോട്ടായ മിസ്ബാഹുലുലമിനെയും അതിലെ അഞ്ചു ജീവനക്കാരെയും രക്ഷിച്ച സംഭവവും, മത്സ്യബന്ധന ബോട്ടായ റയിസുൽ മുഹഖീനിൽ കുടുങ്ങിയ 10 പേരുടെ ജീവൻ രക്ഷിച്ച സംഭവവും കണക്കിലെടുത്താണ് അംഗീകാരം.
18ന് ഗുജറാത്തിലെ ടെന്റ് സിറ്റിയിൽ നടക്കുന്ന ചടങ്ങിൽ ഇന്ത്യൻ കോസ്റ്റ്ഗാർഡ് ഡയറക്ടർ ജനറൽ പുരസ്കാരം സമ്മാനിക്കും
