തൃത്താല: പെട്ടി ഓട്ടോയുടെ സൈഡ് സീറ്റിലിരുത്തി യാത്രക്കിടെ യുവതികളെ പീഡിപ്പിക്കാന്‍ ശ്രമിച്ച മധ്യവയസ്‌കന്‍ അറസ്റ്റില്‍. മണ്ണിയം പെരുമ്പലം സ്വദേശി ദാസന്‍ എന്ന 45-കാരനാണ് ആണ് പോലീസിന്റെ പിടിയിലായത്. കോടതയില്‍ ഹാജരാക്കിയ ഇയാളെ 14 ദിവസത്തേക്ക് റിമാന്‍ഡ് ചെയ്തു. ശനിയാഴ്ച രാവിലെയാണ് കേസിനാസ്പദമായ സംഭവം നടന്നത്. പെട്ടി ഓട്ടോയില്‍ പഴവര്‍ഗങ്ങള്‍ വില്‍പ്പന നടത്തിവരികയായിരുന്ന പ്രതി കുറ്റിപ്പുറം ഭാഗത്തേക്ക് പോകവെ ഇതര സംസ്ഥാന തൊഴിലാളികളായ രണ്ട് വനിതകളെ പെട്ടി ഓട്ടോയുടെ മുന്നില്‍ കയറ്റി. സൈഡ് സീറ്റില്‍ ഇരുത്തിയ ഇവരെ ശാരീരികമായി പീഡിപ്പിക്കാന്‍ ശ്രമിക്കുകയായിരുന്നു. സ്ത്രീകള്‍ ബഹളം വെച്ചതോടെ ഇയാള്‍ ഓട്ടോ നിര്‍ത്തി ഓടി രക്ഷപ്പെടുകയായിരുന്നു.
