തിരുവനന്തപുരം ∙ ഓഗസ്റ്റ് മാസം മാത്രം 18 തവണ റോഡ് നിയമം ലംഘിച്ച എംഎൽഎയുണ്ട്. ഇരിക്കൂർ എംഎൽഎ സജീവ് ജോസഫിന്റെ വാഹനം 18 തവണ നിയമം ലംഘിച്ചെന്നാണു ക്യാമറയുടെ പരാതി.കഴിഞ്ഞ ഒരു മാസം എംഎൽഎമാരുടെ റോഡ് നിയമലംഘനത്തിന്റെ കണക്കുകൾ ഇങ്ങനെയാണ്: സണ്ണി ജോസഫ് (7), മുഹമ്മദ് കുഞ്ഞ് (9), ഇ.ടി. ടൈസൻ (5), സജീഷ് കുമാർ ജോസഫ് ( 3), ഐ.ബി.സതീഷ് (2) എന്നിവരാണു മുൻപിൽ.ആറ് എംഎൽഎമാർ ഒരു തവണ വീതം നിയമലംഘനം നടത്തിയതിന്റെ പട്ടികയിലുണ്ട്. എംപിമാരിൽ ടി.എൻ.പ്രതാപനാണ് കഴിഞ്ഞ മാസം മുന്നിൽ– 12 തവണ. രാജ്മോഹൻ ഉണ്ണിത്താൻ (9), ബെന്നി ബഹനാൻ (2) എന്നിവരാണു ക്യാമറയിൽ കുടുങ്ങിയ എംപിമാർ.
