തിരുവനന്തപുരം> പ്രധാനമന്ത്രി നരേന്ദ്ര മോദി വന്ദേ ഭാരത് തീവണ്ടി ഫ്‌ളാഗ് ഓഫ് ചെയ്യാനെത്തുന്നതിനാല്‍ 25ന് തമ്പാനൂര്‍ കെഎസ്ആര്‍ടിസി
ഡിപ്പോ അടച്ചിടും. 25ന് രാവിലെ 8 മുതല്‍ 11 വരെയാണ് തമ്പാനൂര്‍ ഡിപ്പോ അടച്ചിടുക.അന്നേദിവസം തമ്പാനൂര്‍ ഷോപ്പിംഗ് കോംപ്ലെക്‌സിലെ കടകള്‍ക്കും നിയന്ത്രണമുണ്ട്. പ്രധാനമന്ത്രി മടങ്ങിക്കഴിഞ്ഞ് രാവിലെ 11 മണിക് ശേഷമാകും കടകള്‍ക്കു പ്രവര്‍ത്തനാനുമതി നല്‍കുക. മേഖലയിലെ പാര്‍ക്കിങ്ങുകള്‍ തലേദിവസം തന്നെ ഒഴിപ്പിക്കും. എല്ലാ ബസ് സര്‍വീസുകളും വികാസ് ഭവനില്‍ നിന്ന് ക്രമീകരിക്കും
അതേസമയം, വന്ദേഭാരത് എക്‌സ്പ്രസിന്റെ സമയക്രമം തയാറായി. തിരുവനന്തപുരം-കാസര്‍ക്കോട് വന്ദേഭാരത് എക്‌സ്പ്രസ് രാവിലെ 5.20-ന് തിരുവനന്തപുരത്തു നിന്ന് പുറപ്പെട്ട് ഉച്ചയ്ക്ക് 1.25-ന് കാസര്‍ക്കോട്ട് എത്തും. വ്യാഴാഴ്ച സര്‍വീസില്ല. ഷൊര്‍ണൂരില്‍ വന്ദേഭാരതിന് സ്റ്റോപ്പ് അനുവദിച്ചിട്ടുണ്ട്.
സമയക്രമം ഇങ്ങനെ
തിരുവനന്തപുരം-കാസര്‍കോട് വന്ദേഭാരത് (ട്രെയിന്‍ നമ്പര്‍ 20634 – എത്തുന്ന സമയം / പുറപ്പെടുന്ന സമയം)
തിരുവനന്തപുരം- 5.20
കൊല്ലം- 6.07 / 6.09
കോട്ടയം- 7.25 / 7.27
എറണാകുളം ടൗണ്‍- 8.17 / 8.20
തൃശൂര്‍- 9.22 / 9.24
ഷൊര്‍ണൂര്‍- 10.02/ 10.04
കോഴിക്കോട്- 11.03 / 11.05
കണ്ണൂര്‍- 12.03/ 12.05
കാസര്‍കോട്- 1.25
കാസര്‍കോട്-തിരുവനന്തപുരം വന്ദേഭാരത് (ട്രെയിന്‍ നമ്പര്‍ 20633 – എത്തുന്ന സമയം / പുറപ്പെടുന്ന സമയം)
കാസര്‍കോട്-2.30
കണ്ണൂര്‍-3.28 / 3.30
കോഴിക്കോട്- 4.28/ 4.30
ഷൊര്‍ണൂര്‍- 5.28/5.30
തൃശൂര്‍-6.03 / 6..05
എറണാകുളം-7.05 / 7.08
കോട്ടയം-8.00 / 8.02
കൊല്ലം- 9.18 / 9.20
തിരുവനന്തപുരം- 10.35
