മുംബൈ : സിനിമയിലെ ആക്‌ഷൻ രംഗങ്ങളെ വെല്ലുന്നതരത്തിൽ വെടിവയ്പ്പും കാറിനു പിന്നാലെ പാഞ്ഞും കവർന്നത് 3.6 കോടി രൂപ. വ്യാഴാഴ്ച രാത്രി മഹാരാഷ്ട്രയിലെ പുണെ ജില്ലയിലെ പുണെ – സോലാപുർ ദേശീയപാതയിലായിരുന്നു സംഭവം. രണ്ടുപേർ യാത്ര ചെയ്ത കാറിനെ നാലു വാഹനങ്ങളിലായി കിലോമീറ്ററുകളോളം പിന്തുടർന്നാണു കവർച്ച നടത്തിയത്.
ഭവേഷ് കുമാർ പട്ടേൽ, വിജയ്ഭായ് എന്നിവരുടെ കാറിനെ പിന്തുടർന്നായിരുന്നു കവർച്ച. ഇത്രയും തുക ഇവർ എന്തിന് കൈവശം കൊണ്ടുപോയി എന്നതു വ്യക്തമല്ല. ഹവാലാ പണമാണെന്ന സാധ്യത പൊലീസ് തള്ളിക്കളയുന്നില്ല. പുലർച്ചെ രണ്ടുമണിയോടെയായിരുന്നു ആക്രമണം.
